दादासाहेब मोकाशी कृषी महाविद्यालयातील पदवी प्राप्त विद्यार्थी व कार्यरत शिक्षक यांचे डॉक्टरेट पदवीसाठी निवड

                                               मोकाशी कृषी विकास प्रतिष्ठान संचलित व महात्मा फुले कृषी विद्यापीठ राहुरी संलग्न दादासाहेब मोकाशी कृषी महाविद्यालयातील विद्यार्थीनी प्रेरणा जगताप हिची डॉ. बाळासाहेब सावंत कोंकण कृषी विद्यापीठामध्ये उद्यान विद्या विभागातील फुले व बगीचा या विषयातील डॉक्टरेट पदवीसाठी निवड झाली, त्याचबरोबर विद्यार्थी अंकुश चोरमुले याची कृषी विद्या विभागातील हवामान शास्त्र या विषयातील डॉक्टरेट पदवीसाठी निवड झाली आहे त्याचबरोबर संस्थेच्या माध्यमातून कार्यरत शिक्षक प्रा. समिंद्रे व प्रा. माने यांचे अनुक्रमे उद्यानविद्या व अर्थशास्त्र या विषयांमध्ये डॉक्टरेट पदवीसाठी निवड झाली आहे. सन 2023- 24 अंतर्गत निवड झालेल्या सर्व विद्यार्थी व कार्यरत शिक्षक यांचे मोकाशी कृषी विकास प्रतिष्ठानचे सचिव श्री अभिजीत मोकाशी व उपाध्यक्ष डॉ. विश्वजीत मोकाशी, संचालक श्री विलास चौधरी तसेच सर्व घटक महाविद्यालयातील प्राचार्य यांच्यातर्फे अभिनंदन करून पुढील वाटचालीसाठी शुभेच्छा देण्यात आल्या.